Wanneer u u eiendom verkoop

Waarom is prokureursfooie so hoog?

Die meeste prokureurs hef fooie volgens die tarief wat deur die Prokureursorde aanbeveel word — hierdie fooie is nie onredelik hoog nie. Waar hereregte betaalbaar is, is dit gewoonlik die grootste deel van die totale koste, en dit word aan die Ontvanger van Inkomste betaal, nie aan die prokureur nie.

Wie betaal die prokureursfooie?

Gewoonlik die Koper. Die partye kan ooreenkom dat die koste (dikwels met ’n boperk) by die koopprys ingesluit word.

Wat betaal die Verkoper gewoonlik?

• Verbandkansellasie — ongeveer R6 500 per verband, vir die Verkoper se rekening.
• Erfbelasting op die eiendom tot die datum van registrasie van oordrag.
• Die agent se kommissie.

Die "afkoelperiode"

Waar die koopprys nie meer as R250 000 is nie en die koper ’n natuurlike persoon is (nie ’n BK of maatskappy nie), het die koper 5 dae vanaf die maak van die aanbod om daaruit te onttrek.

Wie kies die prokureur?

Dit is die Verkoper se reg om die oordragprokureur te kies. Die eiendomsagent mag ’n prokureur aanbeveel, maar mag geen party aanmoedig of beïnvloed om ’n bepaalde oordragprokureur te gebruik of nie te gebruik nie — dit is ’n oortreding van die Gedragskode vir Eiendomsagente.

Alleenmandate en kommissie

’n Alleenmandaat gee een agentskap die uitsluitlike reg om u eiendom te verkoop. Dit moet op skrif wees, en moet ’n vervaldatum noem asook die gevolge indien u die eiendom voor daardie datum sonder die alleenagent verkoop. Daar is geen vaste standaardkommissie nie — dit is onderhandelbaar; die meeste agente vra ongeveer 7% plus BTW.

Moet ek ’n eiendomsagent gebruik?

Geen wet vereis dit nie, alhoewel die meeste mense ’n agent se kundigheid en onderhandelingsvaardighede waardevol vind. Wat u ook al besluit: omdat dit so ’n belangrike transaksie is, beveel ons aan dat u enige Koopaanbod deur u oordragprokureur laat nagaan voordat u teken.

Versoek ’n gratis oordragkwotasie